10 ປີ ຂໍ້ລິເລີ່ມ"ໜຶ່ງແລວໜຶ່ງເສັ້ນທາງ" ໄດ້ນຳເອົາການປ່ຽນແປງຢ່າງຈະແຈ້ງມາສູ່ໂລກ
ອີງຕາມຂ່າວທາງການ ສປ ຈີນ ແຈ້ງໃຫ້ຮູ້ວ່າ: ກອງປະຊຸມສຸດຍອດວ່າດ້ວຍການຮ່ວມມືສາກົນ “ໜຶ່ງແລວໜຶ່ງເສັ້ນທາງ” ຄັ້ງ
ທີ 3 ທີ່ຈັດຂຶ້ນຢູ່ນະຄອນຫຼວງປັກກິ່ງ ສປ ຈີນ ໃນລະຫວ່າງວັນທີ 17 - 18 ຕຸລາ 2023 ນີ້, ໄດ້ເຊື້ອເຊີນຜູ້ນຳຈາກ 140 ກວ່າປະ
ເທດ ແລະ 30 ກວ່າອົງການ ຈັດຕັ້ງສາກົນເຂົ້າຮ່ວມ ເພື່ອການຮ່ວມມື ແລະ ຊຸກຍູ້ການພັດທະນາຮ່ວມກັນ.
ໃນໂອກາດຄົບຮອບ 10 ປີ ໃນການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ເຊິ່ງໄດ້ນຳເອົາການປ່ຽນແປງອັນຈະແຈ້ງມາໃຫ້ແກ່
ໂລກ. 10 ປີ ຜ່ານມາການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ໄດ້ສ້າງໂຄງການຮ່ວມມືຫຼາຍກວ່າ 3.000 ໂຄງການ, ໄດ້ດຶງດູດ
ການລົງທຶນຫຼາຍພັນຕື້ໂດລາ, ນັບມາຮອດທ້າຍ ເດືອນ ມິຖຸນາ 2023 ສປ ຈີນ ໄດ້ເຊັນເອກະສານຮ່ວມມືໃນການຮ່ວມກັນສ້າງ
“ໜຶ່ງແລວໜຶ່ງເສັ້ນທາງ” 200 ກວ່າສະບັບກັບ 150 ກວ່າປະເທດ ແລະ 30 ກວ່າອົງການຈັດຕັ້ງສາກົນ. ຜົນການຄົ້ນຄວ້າຂອງທະ
ນາຄານໂລກສະແດງໃຫ້ເຫັນວ່າ: ການປະຕິບັດຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ຢ່າງຮອບດ້ານໄດ້ເຮັດໃຫ້ຍອດມູນຄ່າການຄ້າລະ
ຫວ່າງປະເທດຮ່ວມກັນສ້າງເພີ່ມຂຶ້ນ 4,1%, ເມື່ອຮອດປີ 2023 ຄາດວ່າ ທຸກປີຈະນຳເອົາລາຍຮັບ 1.600 ຕື້ໂດລາ ມາໃຫ້ແກ່ໂລກ
ອາດຈະເຮັດໃຫ້ປະຊາກອນ 7,6 ລ້ານຄົນ ໃນບັນດາປະເທດຮ່ວມກັນສ້າງຫຼຸດພົ້ນອອກຈາກຄວາມທຸກຍາກ.
ອີງຕາມຂ່າວທາງການຈີນ ໃຫ້ຮູ້ອີກວ່າ: ກອງປະຊຸມເວທີປຶກສາຫາລືຄັ້ງນີ້ ຈະສຸມໃສ່ຂົງເຂດເຊື່ອມຈອດກັນ, ການພັດທະນາ
ແບບສີຂຽວ, ເສດຖະກິດດີຈີຕອນ ແລະ ອື່ນໆ ພ້ອມທັງຈະກ້າວເຖິງໝາກຜົນການຮ່ວມມືຕ່າງໆຫຼາຍກວ່າສອງຄັ້ງທີ່ຜ່ານມາ ເຊິ່ງ
ສະແດງໃຫ້ເຫັນອີກເທື່ອໜຶ່ງວ່າ “ໜຶ່ງແລວໜຶ່ງເສັ້ນທາງ” ມາຈາກຈີນ, ເປັນຂອງໂລກ ແລະ ສ້າງຜົນປະໂຫຍດໃຫ້ແກ່ມວນມະນຸດ.
ແຫຼ່ງທີ່ມາ: ໜັງສືພິມກອງທັບ
ວັນທີ 18/10/2023